Synopsis

Aniztasuna dugu ezaugarri nagusia Euskal Herriko naturari buruz hitz egitean. Aberastasun natural horren adierazgarria da egutegi hau. Hamabi hilabete hauetako irudiek Euskal Herriko edertasuna gogorarazten digute. Basamortuen isiltasun ederra, kostaldeko itsaslabarren indarra, barnealdeko lautaden lasaitasuna, haran estuen berde bizia, bizkar leuna baina bihotz bizia duten mendiak, baso freskoak, ibai arinak, fauna eta flora harrigarriak... unibertso aberats horren berri ematen digu egutegiak.